miércoles, 12 de octubre de 2011

Visita do secretario xeral da sección sindical de USO en RTVE.

Asistiron 19 persoas.

O pasado xoves 6 de outubro, visitounos José Carlos López Vázquez, secretario xeral da Sección Sindical de USO en RTVE.

Entre outras cousas díxonos que o cambio da Directora de Recursos Humanos supuxera un cambio importante e en positivo para levar a cabo a negociación do Convenio que foi aprobado en referendum.

Explicou que para o seu sindicato é fundamental o tema da definición das categorías e dixo que non se negociou sobre o tema por falta de tempo.

Dixo que a Empresa enviaranos unha carta notificándonos en que nos afecta (a quen lle afecte) o novo Convenio. Principalmente será a xente que se incorporou a raíz da última convocatoria, polo da variación no tema dos trienios.

Parécelle que vai ser imposible negociar o das Categorías en 6 meses, e máxime tendo por medio unhas eleccións sindicais (17 de novembro). Negociarán os/as que saian desas eleccións.

USO aposta por facer referendum tamén sobre o que se negocie no tema das Categorias.

Sobre a nova dispoñibilidade explicou que se deberá de pagar por adiantado, 5 días antes do mes en que se aplique, incluídos os bloques de 5 horas, en caso contrario computaranse como horas extras.

O delegado de Persoal de USO en Galiza dixo que a definición actual das categorias leva vixente 33 anos, e que aínda que mudaron as ferramentas de traballo non supuxo, a súa definición, un lastre para que saíra o traballo adiante con unha calidade mais que aceptable.

Hai que encaixar os avances técnicos co espírito da profesión.

A empresa pretende que fagamos todas/os de todo, pretende aforrar polivalencias, quitar montadoras/es co de que monten as/os redactoras/es.

Actualmente “obrigan” as/os novas/os polo “vacío” que existe no seu caso.

Explicou que en Madrid se monta tamén polo uso discrecional que fai a Dirección co “plus de programas”, un plus que ó estar fora de Convenio é difícil de reclamar.

Este plus non figura no novo Convenio debido a que CC.OO. ten plantexado un conflicto colectivo, o cal frea todos os individuais e haberá que estar á espera de que saia a súa resolución.

En Extremadura tamén montan en redacción, pero fano de forma excepcional, eso si, sen cobrar mais que antes, cando non o facían.

Hai que recordar que hai uns anos (3 ou 4) en Madrid se permitiu unha reconversión (quen esto escribe pensa que non foi algo voluntario) de uns 10 montadores para logo contratar montadores de fora. Por outra banda tamén dixo que se estaba a aumentar a plantilla de montadoras/es o cal era esclarecedor de que a calidade do traballo non era a de antes.

O delegado desta sección sindical quixo facer unha pregunta clara:

Pode a Dirección abrir un expediente a un/ha redactor/a por negarse a montar? A resposta foi NON.

Polo que facemos a seguinte valoración:

- Por unha banda quen estea disposta/o a montar vaino a facer sen cobrar ningún tipo de plus, algo que para nos é secundario.

- E por outra, qué vai pasar a medio-longo prazo? Referímonos a cando sexan capaces de montar con certa soltura, ou por dicilo doutra maneira, cando á Dirección lle valga como montan as/os redactores/as. Non correrá perigo a figura do montador/a?

Nos pensamos que si, que é moi perigoso asumir funcións de outra categoria.

A xente que traballa en labores de montaxe tivo que pasar unha oposición, tivo que competir con moita xente para conseguir unha praza dunha categoría, a de montaxe, que escolleron entre varias, e agora polo feito de que as persoas de outra categoría estean dispostas a asumir unhas funcións que lle corresponderon ata o de agora a xente de montaxe, que aínda por riba a Dirección non lles pode obrigar a facelo, e sin pagarlles ningún tipo de polivalencia, parécenos moi, moi preocupante. E hai que ter en conta que a moitas roldas de prensa non vai nadie de redacción, incluso en ocasións para coller totais vai o/a reporteiro/a só.

Ou sexa, non fan as labores propias dun/ha xornalista, como é o de ir as roldas de prensa e queren facer labores doutras categorías e o que é verdadeiramente grave, poñendo en risco a continuidade dos postos de traballo de compañeiras e compañeiros.

Xurdenos unha pregunta, cal sería a súa reacción se as/os compañeiras/os de montaxe, imaxe,... con un cursillo de 25 horas e 15 minutos fixeran labores de redacción?

lunes, 3 de octubre de 2011

XA TEMOS NOVO DIRECTOR

Dende onte xa é oficial, o novo director é o noso compañeiro Lois Docampo, que ata o de agora facía de redactor de fin de semana.

Onte, despois das 14:30, foi a presentación no plató a cargo do Director de Centros Territoriais.

Algunhas traballadoras e traballadores aproveitamos a presenza de Juantxo, para expoñerlle as nosas preocupacións en canto o proceso que se está levando a cabo de dixitalización do noso Centro Territorial, a merma na plantilla de reporteiros gráficos por mor da adscripción da DNG ó programa + Gente, a gran cantidade de traballo en arquivo,...

Saúdos.

miércoles, 21 de septiembre de 2011

Resultados Referendum.

Ourense : 1 SI, 5 NON.
Lugo: 6 SI, 1 Branco.
Pontevedra: 1 SI, 6 NON.
Vigo: 8 SI.
A Coruña: 7 SI, 6 NON, 1 Branco.
Santiago de Compostela: 23 SI, 10 NON.

Nacional: 2364 SI, 1786 NON, 159 Branco e 18 Nulos.

viernes, 8 de julio de 2011

Visita de sindicalista de APLI

O xoves 7 de xullo tivemos a visita de José Antonio Moreno, do sindicato APLI, para falarnos sobre o Convenio, a continuación facemos un resumo do que nos contou; probablemente se nos pase algunha cousa, pero bueno, trataremos de resumilo o mellor posible.

Unha primeira cousa a ter en conta, foi que nos dixo que se está facendo unha nova redacción do Convenio, que estará para finais da semana do 11 ó 17 de xullo.

A charla foi case na súa totalidade sobre pluses e xornadas.

A xornada mantense en computo semanal de 35 horas a excepción de quen teña complemento de dispoñibilidade, neste caso o computo será bisemanal, 70 horas en 2 semanas.

Estes complementos mantéñense ó posto de traballo e non a persoa, como pretendía a Dirección da Empresa.

A xornada mínima pasa de 4 a 5 horas e a máxima de 9 a 10 horas.

O plus de dispoñibilidade implica variación horaria ( 70 horas en 2 semanas de xornada laboral, a criterio do xefe). Logo haberá bloques de 5 horas, os cales che “comprará” o teu xefe en función do que crea preciso.

Exemplo: nivel 1 cobra 380 euros de dispoñibilidade, o que implica que ten que facer 70 horas en 2 semanas (pódenlle variar o horario), se ten un bloque deses de 5 horas pagaríanlle 51 euros mais, e podería ser así ata 4 bloques de 5 horas.

Aparece un plus para UU.II. o cal implica, entre outras cousas, ter que conducir de forma obrigatoria o coche que poña a Empresa a túa disposición (coche de produción, terrena, unidade móbil,...), tendo que pagar as multas e infraccións do propio peto.

Regúlanse os turnos de fin de semana, que serán venres, sábado e domingo ou sábado, domingo e luns, facendo 27 ou 29 horas (non recordaba moi ben cantas eran) pero que computan como 35 horas semanais. Haberá xente que faga “só” sábado e domingo, por ter sentencia xudicial a favor de recoñecerlles que o traballo en fin de semana ten lugar sábado e domingo.

Tamén se establecen guardias, o que implica que unha vez rematada a túa xornada laboral podente chamar. A guardia pode ser: de luns a venres, polo que se cobrarían 200 euros e por cada chamada que che fagan, 30 euros mais; a de fin de semana implica cobrar 125 euros e 75 euros por cada chamada.

Ata o de agora existían 2 tipos de módulo-libranza, pasando agora a unha que sería entre 5 e 10 horas cobrando 52 euros e 1 día a librar.

Unha proposta de APLI é que os pluses sexan rotativos e que o de conducir nas UU.II. fose voluntario.

Sobre Producción propia.

Seica APLI chegara a un acordo ca Dirección para que, unha vez que o 100% da plantilla estivera plenamente ocupada, o marxe de producción que non se dera cuberto (aínda que curraramos a tope nunca chegariamos a cubrir o 100% do que se emite) sería o único que se contrataría a Produtoras. Este acordo botouno por terra o Consello de Administración.

Aínda que no novo Convenio fálase algo sobre Producción propia, sobre a creación dunha Mesa de Producción, é unha versión moito mais “descafeinada” ca ese documento do que fala no párrafo anterior.

Por último dixo que léramos o texto, que non nos quedaramos so cas opinións que poidamos ler nas follas sindicais, para poder participar no referendum de setembro con plena información.

Cnt-rtve Galiza:

Dicíamos na anterior entrada que agora no verán ía estar todo moi parado, pois parece que nos equivocamos.

Se alguén aínda non se enterou, seica hai eleccións sindicais en outubro.

viernes, 27 de mayo de 2011

Visita de sindicalistas de UGT-rtve de Madrid

O xoves 19 de maio tivemos outra visita dos compañeiros da UGT, que xa estiveran na ocasión anterior http://cntrtvegalicia.blogspot.com/2011/01/visita-de-sindicalistas-da-ugt-rtve-de.html .

O primeiro que comentan, ó igual que a anterior vez, é sobre Marta Bretos, que da a impresión de que traia unha intención que non levou a cabo ó final, vendo que viña dunha empresa (Correos) onde se levou a cabo un ERE e foi para outra (PRISA) onde andan con outro ERE a voltas.

Apuntan a que o futuro da empresa asentase en 3 patas, principalmente, que son, a negociación do Convenio, a financiación e a produción.

Pata 1. Convenio.

Insisten, unha vez mais, en que a referencia que a parte social acepta para negociar é o XVI Convenio e os acordos parciais do XVII, para nada teñen en conta a proposta da Dirección.

Chegaron a acordo na parte de provisión de postos de traballo e na de faltas e sancións, esta última din que é o mesmo articulado que había no Convenio vixente (XVI e acordos parciais XVII) pero ordenados de distinta maneira.

No que respecta a proposta da Dirección en canto a xornada, din que non é negociable por ninguén da parte social.

A nivel estatal estase negociando entre patronal e sindicatos a reforma da Lei de Negociación Colectiva, punto que seica non afecta os Convenios abertos (coma o noso, que se están negociando) pero si levará unha transitoria que dirá que cando non hai acordo entre as partes, entrará un arbitraxe, o cal din que non é bo.

O prazo para a firma do Convenio, fixada no seu día para maio (estaba ligada o 1% de subida que nos deben do noso salario á firma na data marcada), ampliouse ata o 15 de xuño, pero xa dixeron que o ven imposible.

Pata 2. Financiación.

Falan de que existe un déficit de 40 millóns de euros, debido a que as telecos non ingresaron 60 millóns que tiñan que ingresar e a que tiñamos un superávit do ano pasado de 20 millóns.

A lei seica di que é o Estado quen ten que poñer esta pasta, pero este escúdase en que “a cousa está moi mal e non hai pasta”.

Aparte de todo isto, aínda está pendente o tema da resolución de Bruselas sobre a Lei de financiación de rtve, neste caso están en xogo uns 340 millóns.

Falando desta lei, dicir que en España copiamos o modelo francés, pero con “pequenas” diferenzas. No modelo francés a aportación mediante taxas ás privadas supón un 20%, fronte o 50% no español, e no modelo francés mantiveron 2 minutos de publicidade.

Dixeron que somos unha das tv públicas europeas mais baratas, saímoslle a 25 euros por español/a e si temos en conta as autonómicas, a 50 euros. Nunha lista de 27 (a nº 1 sería a mais cara) ocupamos o posto nº 24.

Pata 3. Produción.

No 2010 foi dun 20%, a lei contempla bastante mais.

Non hai plantilla nos CCTT para facer todo: cubrir información para o Telediario e o Telexornal, programas, etc. polo que plantexan a necesidade de establecer , qué podemos facer dende os CCTT? Cales son as plantillas actuais? Necesidade de contratacións?.

Recordaron que nos “Peñascales” a plantilla tipo que se firmou era de mínimos, non de máximos.

Falaban de 2 cláusulas importantes, que os recursos propios usados acaden o 100% e o mantemento da actual estrutura de CCTT. Se isto se recolle no Convenio, tería rango de lei.

Opinión de cnt-rtve Galiza.

Non vemos que aportaran nada novo con respecto a última visita que nos fixeron.

Vemos que todo está moi parado e, mais que estará a partir de agora ó meternos no verán.

Está ben o de establecer ese “trípode” de prioridades, pero falta moito por conseguir.

Enmarcamos a visita na campaña das eleccións sindicais.

jueves, 17 de marzo de 2011

RTVE, condenada polo caso “Ambigú”





RTVE, condenada polo caso “Ambigú”: O Xuzgado do Social declara improcedente o despido de Diego A. Manrique
Información completa no enlace:





http://www.efeeme.com/81992/rtve-condenada-por-el-caso-ambigu-el-juzgado-de-lo-social-declara-improcedente-el-despido-de-diego-a-manrique/

lunes, 28 de febrero de 2011

Recortes no grupo PRISA.


Os/as traballadores/as de Prisa cortan a Gran Vía de Madrid.

Centos de traballadores/as de Prisa movilizáronse onte cortando a Gran Vía madrileña, lugar onde se atopa a sede central da empresa, para protestar así polo anuncio de 2.500 despidos. O sindicato de Artes Gráficas , Comunicación e Espectáculos da CNT sumouse a protesta.

Tedes a noticia completa en: protestas en grupo Prisa.

martes, 25 de enero de 2011

Visita de sindicalistas da UGT-rtve de Madrid.

O pasado martes 18 de xaneiro viñeron 2 membros ( Miguel Angel e Mariano) da UGT, de Madrid, a dar unha charla da actual situación na que e atopa o noso futuro Convenio, o que será o primeiro da Corporación rtve.

Breve resumen do que comentaron na asemblea a que asistiron unhas 19 persoas:

O primeiro foi informar de que Marta Bretos ía para a cadea SER, do grupo PRISA.

Para visualizar como está o tema da produción propia, dixeron que a referente a programas non informativos, aínda que no Mandato Marco ven contemplada nunha porcentaxe do 60%, atópase nun 20%.

Dixeron que a proposta do PP de sacarnos un múltiplex ou de darnos 200 millóns de euros menos de financiación podería supoñer o peche dos CC.TT., e facer que quedaran como UU.II.

Informaron de que, si temos en conta a todas aquelas persoas que cobran un plus de especial responsabilidade, os/as contabilizamos como “xefes”, resulta que os que viñeron a reducir a gran cantidade de xefaturas desta empresa, de directivos/as e demais, despois dun tempo da súa xestión, esta da lugar a 1 xefe/a por cada 0,8 traballadores/as.

Se non temos bastante con ter que pagar os/as directivos/as de “dentro da casa” hai que pagar os que “veñen de fora” e, aínda por encima pagar a unha empresa externa (Cuatricasas) para que veña a negociar o I Convenio da Corporación rtve, nin tan sequera son capaces de facelo eles/as.

Por certo, a estes/as de Cuatricasas, seica lles parece moi “progresista” a proposta de Convenio feita pola empresa.

Avisan do perigo que supón o feito de que estamos co convenio “aberto”, levamos xa uns anos, poderíanos pasar igual que os controladores aéreos, que veña o Goberno e nos impoña as relacións laborais.

Falan da necesidade de pechar o Convenio canto antes, para ter seguridade xurídica.

Como exemplo puxeron o feito de que na proposta se queira que o computo das horas da xornada laboral sexa anual, como xa ven contemplado na Reforma Laboral.

Polo que, pechar Convenio, publicalo no BOE e definir os postos de traballo.

Din que habería que cambiar a lei de financiación e que os 60 millóns de menos das telecos poden traer cola.

Por agora, para contestar a pregunta dun dos asistentes, parece ser que o da unificación de redaccións entre tve e rne non vai ser.

Ante a pregunta do noso delegado de si a Lei que se fixo hai xa uns anos, a do Mandato Marco estruturada en Contratos Programa, non nos daba unha certa seguridade de futuro, dixeron que non se cumpre esa Lei.

Dúas frase que dixeron e que imos poñer aquí, por consideralo interesante:

- Mesmo traballo, mesmo salario.

- É necesaria a unidade sindical.

Mais ou menos isto foi o que se dixo, agora pasamos a deixarvos uns comentarios :

Tal vez entenderamos mal, pero , non sería mellor definir os postos de traballo e as categorías e logo cerrar o convenio?

Parécenos moi grave que alguén non cumpra a Lei, o normal é que quén non cumpra a Lei pague por ese feito, non?

Sobre o de mesmo traballo, mesmo salario, vémolo moi difícil. Recomendamos ver os acordos parciais do XVII convenio e fixarse en quenes firmaron eses acordos.

Estamos de acordo ca unidade sindical, pero esperamos ver feitos, mais que oír bonitas palabras.

Esta semana, o venres, veñen os de CC.OO., a por certo, isto non ten que ver con que haxa eleccións sindicais en Outubro, seica.

viernes, 21 de enero de 2011

Visita á Inspección de Traballo.

O día 1 de xuño negáronlles a entrada ás persoas que levaban o mantemento do edificio que alberga as instalacións de RTVE en Galicia, sito en Bando San Marcos s/n, Santiago de Compostela.

O delegado da Sección Sindical de CNT en Rtve puxo un fax denunciando ante a Inspección de Traballo correspondente a situación en que nos atopábamos no centro de traballo, xa que non había substitutos para estes traballadores, polo menos durante os 2 ou 3 días seguintes non había ninguén realizando o mantemento. Este fax foi enviado o día 4 de xuño.

Con data 4 de maio e dando cumprimento a Lei de Prevención de Riscos Laborais 31/1995, realizouse unha xornada de Primeiros auxilios, loita contra incendios e evacuación de traballadores/as, en horario de 9:00 a 13:00; incluíndo ó final da xornada un simulacro de evacuación.

Estas persoas ás que se lles impide o acceso ó Centro de Traballo o 1 de xuño, eran as únicas capacitadas para cortar o subministro eléctrico de forma correcta e de poñer en funcionamento as bombas de auga que abastecen ás mangueiras contraincendios, se se realiza o corte do subministro eléctrico de forma incorrecta estas mangueiras quedan inutilizadas. Segundo información facilitada polos traballadores en cuestión, esas bombas estaban en proceso de reparación, non sabemos se a día de hoxe están operativas.

Tendo en conta a cantidade de aparatos eléctricos e electrónicos que se atopan nas instalacións do Centro Territorial de Tve en Galicia, aparte da complicación e envergadura do propio sistema de calefacción-refrixeración, dende a Sección Sindical de CNT en Rtve Galicia consideramos que se puido dar una situación de “carencia” en canto a asegurar a integridade física dos/as traballadores/as do Centro Territorial de Rtve Galicia nos días inmediatamente seguintes ó 1 de xuño de 2010, polo que decidimos comunicar esta situación ante á Inspección de Traballo correspondente.

Hoxe, venres 21 de xaneiro, fumos convocados por Inspección de Traballo a Empresa (foi o seu Director) que debía de ir acompañada polo delgado desta Sección Sindical. A cita foi as 10:30 na Delegación Provincial da Inspección de Traballo de A Coruña.

Basicamente a Inspectora o que fixo foi recadar a información sobre o feito, preguntando o noso Delegado e mais o Director.

O Director dixo non ter información ó respecto, xa que del depende o relacionado ca elaboración de noticias para os distintos informativos, os temas relacionados con mantemento, xardíns, etc. son cousa do Departamento de Patrimonio de Madrid.

O noso delegado pasou a informar dos feitos nos termos que figuran mais arriba.

A inspectora recoñeceu que "foi unha sorte que non pasara nada" durante os días que non houbo persoal de mantemento, dixo que se enviaría un requerimento para que a Empresa "mantivera un axeitado mantemento do servizo de prevención de incendios" e cando preguntou sobre si esta situación estaba subsanada (o de ter persoal de mantemento), ante a resposta afirmativa, tamén comentou, dirixíndose o noso Delegado, que habería que mirar por que a Empresa cumpla cas súas obrigas.

Dende esta Sección Sindical estaremos atentos/as ante calquera "anomalia" para o que agardamos contar ca axuda e colaboración de todos/as vos, como non podía ser doutra maneira.

RTVE e dous dos seus directivos, condenados por acoso laboral

Deixovos un enlace para que consultedes esta nova.
http://www.libertaddigital.com/sociedad/rtve-y-dos-de-sus-directivos-condenados-por-acoso-laboral-1276412291/